< ژووانێك له خه‌ودا >
1
ڕاوه‌سته!
با قوڵتر له سیمات،
ڕامێنم،
كێ ده‌ڵێ، تاكوو تۆ، دێیته‌وه،
ده‌مێنم!
2
من ده‌مرم و
ڕازی ئه‌م عیشقه‌ی نێوانمان،
لای هیچ كه‌سێ نادركێنم،
من ده‌مرم و
به ئه‌سپی هه‌ورێكی سپی،
به‌ره‌و به‌هه‌شت
ده‌تڕفێنم.
3
له‌من وابوو
گه‌ر توند له ئامێزت بگرم،
كوڵكۆی دڵ خامۆش ده‌بێ،
نه‌مده‌زانی ئه‌وینی تۆ
ئاگرێكه،
هه‌تا دێ هه‌ر به‌جۆش ده‌بێ.
4
هه‌تا بژیم، هاوار ده‌كه‌م:
خۆشم ده‌وێی،
كه مردیشم، باكم نییه،
ئه‌ی یاری من
ئاخر ئه‌وسا هه‌موو دنیا،
لێوانلێوه
له زایه‌ڵه‌ی هاواری من.
5
بێ گومانم
ڕۆژێ ئه‌وینت ده‌مكوژێ،
بێجگه له من،
بڵێی كه‌سی دی هه‌بووبێ،
بكوژی خۆی، خۆش ویستبێ؟
ڕه‌نگه یه‌كه‌م قوربانی بم،
شه‌یدای جه‌للاده‌كه‌ی بووبێ.
6
هه‌ر تۆ
خۆشه‌ویستی
منی،
له گۆشه‌نیگای منه‌وه،
هه‌ر تۆ
ژنی
7
ئه‌گه‌ر یه‌كێكت خۆش بوێ،
وا هه‌ست ده‌كه‌ی،
جوانترین كه‌سی دنیایه،
وا ده‌زانی،
هه‌ر چی جوانی دنیا هه‌یه،
له ئه‌ودایه.
8
ئه‌وه ئازایه‌تی نه‌بوو
دڵی من به دیل گرت
ئه‌ی كچی جوان!
ئاخر دڵی من یه‌كێ بوو،
تیری چاوانی تۆ، سه‌دان.
9
كه یه‌كه‌م جار
ڕووخساری گه‌شی تۆم بینی،
گوتم دنیا ئاخر بووه،
ئه‌وه نییه،
مانگ ئاسمانی جێ هێشتووه!
10
نازانم، ژماره‌ی، ئه‌ستێره، زیاتره،
یان هی ئه‌و دڵداره شێتانه‌ی
وه‌كوو من،
هه‌میشه
به‌ده‌ستی عیشقه‌وه ده‌ناڵن؟
11
تاقه شانازیم ئه‌وه بوو
ده‌مگوت به‌رزه لوتكه‌ی شكۆم،
ئه‌وینت زه‌لیلی كردم،
ساڵانێكه ملكه‌چی تۆم.
12
كه جاروبار،
پێم ده‌ڵێی شێت،
هێنده له‌سه‌ر زارت خۆشه،
تۆزقاڵێ زویر نابم لێت.
13
به‌وه كۆتایی، به ژینم نایه
كۆتری گیانم،
هێلانه‌ی له‌شم، به‌جێ بهێڵێ
من به‌وه ده‌مرم،
په‌پوله‌ی ئه‌وین،
ڕۆحی سه‌ركه‌شم، به‌جێ بهێڵێ
14
چونكه بێ مه‌ی
سه‌ر خۆش ده‌بین،
كه‌واته ئێمه
عاشقین.
15
ئه‌گه‌ر دوو دڵم شك ده‌برد،
یه‌كێكیانم بۆ عیشقی تۆ
ته‌رخان ده‌كرد،
ئه‌وی تریان،
بۆ خۆشویستنی نیشتیمان،
به‌ڵام چونكه
هه‌ر تاقه دڵێ شك ده‌به‌م،
ده‌یده‌م به تۆ
ئه‌ی شاجوانی وڵاته‌كه‌م
16
هه‌موو ڕۆژێ
له دووریی تۆ، ده‌ناڵێنم،
هه‌موو شه‌وێ
به ئومێدی دیداری تۆ،
ده‌ست له ملی
شازنی خه‌و ده‌ئاڵێنم.
17
كاتێ خه‌و، به تۆوه، ده‌بینم،
پێم وایه، به خه‌یاڵ، له لاتم،
هه‌ر كاتێ، به‌خه‌یاڵ، بێمه لات،
پێم وایه دیسان خه‌و
به‌تۆوه ده‌بینم
18
شتێ نییه
له‌وه به گیانی من خۆشتر
كه پێم ده‌ڵێی به‌ساقه‌ت بم،
بێستوونت بۆ كوناوده‌ر كه‌م،
خۆشه‌ویستیت،
ناهێڵێ تاوێ شه‌كه‌ت بم
لةيانةى سةرهةنك وةركيراوة
![[color=red]زوانيك لةخةودا[/color] Empty](https://2img.net/i/empty.gif)
موضوع: [color=red]زوانيك لةخةودا[/color] ![[color=red]زوانيك لةخةودا[/color] Icon_minitime](https://2img.net/i/fa/icon_minitime.gif){kind=icon}
الجمعة سبتمبر 23, 2011 3:43 pm
